Join TCS in Facebook: Off-Campus Hires IT Jobs Testing Jobs Jobs Discussions Digital Ninja

The TCS NQT exam has eligibility requirements. The TCS NQT Eligibility Checker Tool below will help you find if you can apply for the TCS NQT Exam.

🎁 Did you know Insight Crunch pays you for sharing your job experience? Get paid up to $30 for submitting your interview and job experiences. Learn more »

This is a guest posy by MALAY MAJITHIA. The views expressed are entirely of the author.
2nd December ko Infocity me,
AHD07 ki batch thi aayi;
Kafi josh me the log sare,
Kyuki joining bhi thi badi der se aayi. (1)

58 logo ne join kiya tha,
Tareh tareh ke bhaat bhaat ke;
Punjab Delhi Himachal Shimla;
Rajasthan aur Gujarat ke. (2)

Pahele din orientation tha,
Kai logo ne lecture diya tha;
Tata ki history sun ke,
Apne aap pe garv bhi hua tha. (3)

Technical me Dr Scheme ne,
Saala bahut hi 'bore' kiye tha;
LS ke session me Anupam ne,
Hasa hasa ke lotpot kiya tha. (4)

Jayshree Satish aur Sanjukta ke session me,
Group activity kai humne ki thi;
Tabhi jaakar to kai logo ki,
Pratibha baahar aayi thi. (5)

Daffodil me diwar todi kisine,
Karni padi hum sab ko bharpaai;
Hamare hi paiso se humne,
New year ki party thi paayi. (6)

Block 3 aur Block 4 me rehte,
khate, pite aur aish the karte;
Har roj savere bathroom ke liye,
Andar andar hi race the karte. (7)

'Tie' kitno ko humne thi pehnaai,
Shave bhi har roj humne thi banaai;
9 baje office report karne ko,
Kai baar humne daud thi lagaai. (8)

Cool Point ki ice cream sabhi ko bhaai,
Big Bite me maggie hum sab ne khaai;
Dry state me sirf coke pikar,
Hitesh Tuli ne apni pyaas chhipaai. (9)

Nagpuja, Shreeji aur Jay Matarani,
Gujarati thali aur matke ka paani;
Dawat aur Shiv Shakti the mehanga,
Fir bhi ki waha bhi mijbaani. (10)

Serwer me milta south indian khana,
Rajbhog aur Punjab King ka taste;
Orange me jaate har 2 din par,
Sardar ka non veg tha best. (11)

Tower 3 ka khana aisa tha ghatiya,
Koi Pratham me gaya, kisi ne tiffin ka khaya;
Food court khulne ke intejaar me,
Tower 1 bhi log ja aaye. (12)

Padhai kam aur games jyada thi,
Dumb cherards, Killer aur Antakshari ki bol-bala thi;
Football ke scores hum predict karte the,
Cricket ke score pe najar rakhte the. (13)

CAT GATE ki exam di,
Bimari ke bahane chhutti bhi li;
Juzer chala gaya BHEL me aur,
Vijin ne bhi GSPC hath kar li. (14)

BBT WBT me khoye rehte,
Google karke answer likhte;
Jiska kabhi na naam bhi suna,
Unhi subjects ko pass bhi karte. (15)

Yash baba the BBT Topper,
Manan aata uske baad;
Itni aasaan si BBTs me,
Fail hua tha Neeraj do baar. (16)

WBT hoti thi badi hi simple,
100 laata har koi har baar;
Answer key bana ke class me ghumte,
5 minute me hota tha ek test paar. (17)

Bhupendra aur Chandravijay ne,
Kafi achchha Dr Scheme karwaya;
BM1 ke waqt hume pehli baar,
Jaalim Robo se intro karwarya. (18)

Aise me hi aa gaya EC1,
Tension badh gaya, ruk gayi masti;
D+ slots bhi shuru ho gaye,
Dr Scheme ne uda di susti. (19)

Tanmay ne kiya top EC1 me,
Tabhi hi aaya woh sab ki najar me;
Ek din ka maatam manakar,
Sab lag gaye fir mauj masti me. (20)

Weekend me koi Kankaria gaya,
Koi Akshardham ghumkar aaya;
Movies to har weekend hoti,
Har koi Cine max jaakar aaya. (21)

Rini ka gaana, Shamik ki acting,
Kalpana Juhee aur Ayush ka dance;
Vaibhav Medha ka teen tali garba,
Dipen ne mara Divya pe chance. (22)

Ravi Prachi ke lafde hue,
Shaival Mitali ke bhi charche hue;
Swati Juhee pe mar mite log,
Rucha ki ada ke diwane hue. (23)

Shivani aur Hiral ki hansi,
Tushar ke pyar me koi na fansi;
Woh chali gai Delhi aur,
Aahe bharta reh gaya Jay C. (24)

Suhrita ke gaane bade surile,
Lata Mangeshkar ki yaad dilate;
Komal ke gaane bade hi bedard,
Sunne walo ke kaan pakate. (25)

Nishtha ke chahne wale bahut the,
Chup rehte, kabhi bolte nahi the;
Nishtha bhi smart thi aisi,
Najar jhuka ke muskura leti thi. (26)

Munjal ke one liners Dipen ko satate,
Class me sir aaye to hum Vyomesh ko jagate;
'Sir' saamne baithe ho fir bhi,
Chain ki neend kai baar so jaate. (27)

Mihir ki shaktimaan ki acting par,
Log sabhi fida ho gaye;
Amit ki boli samjhte hue,
Na jaane kitne din lag gaye. (28)

Kushal ka har roj der se uthna,
Dhaval ka janmdin ko electric room me chhupna;
Malay ka hamesha "kuch bhi" bolna,
"Baki to koi problem nahi" kehna. (29)

Sandip jaisa sidha na koi,
Kishan ko Prabhu use kehta harkoi;
Laap aane par Ami bahut roi;
Raat bhar woh bilkul na soi. (30)

Allocation aakhiri din pe hua,
Kahi faili khushi, kahi faile gum;
Delhi milne par Jyoti ki,
Hansi hui thodi si kam. (31)

Divya ki woh latak matak chaal,
Rahul Bhateja ki apni hi style;
Siddharth ka foreign accent,
Ankit me dikhti UP ki style. (32)

Parul thi badi hi shant,
Anshika bhi chup rehti thi;
Kamaldeep thi badi hi sweet,
Aur savere jaldi uth jaati thi. (33)

Archana ka hamesha haste rehna,
Mitali ka Prachi ko shikayate karna;
Sandeepan ka chup sa rehna,
Shivani Swati ka saath na chhodna. (34)

Abhishek Vijay ka roj ka D+,
Sharmeen ka bhi koshish karna;
7 baje hi hostel me ho,
Fir bhi vaapis shart lagana. (35)

Naresh ne ultimatix aisa lock kiya,
17 din tak khul nahi paaya;
Trivendrum tak usne HR ko daudaya,
Puri TCS ko akele hi hilaya. (36)

Bijal Akanksha ka shant hi baihna,
Kaam pade to hi kuch bolna;
Parth Avani ka saath hi rehna,
Saath me ghumna, saath me khana. (37)

Medha ka Dipen ko Cuckoo kehna,
Puraane hindi gaane gaana;
Jay C ka chupke se mohabbat karna;
Tushar ka jabaan pe lagaam lagana. (38)

Raat ko jaagna, din me sona,
Savere hamesha late hi uthna;
I-Card bhulna, lift me atakna,
Late aakar defaulter hona. (39)

Ritesh, Shahid, Naresh aur Ravi,
Help unhi ki lete sabhi;
Yash, Manan aur Amit se,
J2EE sikhte sabhi LE. (40)

Doha(दोहा):
Bina mobile aur bina email ke, kabhi hamara samay na jaata,
Fir bhi itne pyaare dosto me, Humne ye suhana safar hai kaata;
Sab ko chhod jaane ka khayal, mere dil ko bilkul na bhaata,
Itne behtarin jo dost mile hai, Sab sath me bolo Thanks to Tata.

Read more: Initial Learning Program at Trivandrum »